Ljóðakennsla par exelans...

Í dag lagði ég fyrir nemendur mína frábært verkefni sem ég erfði frá Ragnari Þór í Norðlingaskóla. Kveikjan að verkefninu er þjóðsagan um Miklabæjar-Sólveigu og ljóð Einars Ben sem kveðið er útfrá sögunni.

Í stuttu máli felst verkefnið í því að nemendur útbúa takt í GarageBand og lesa ljóðið inná yfir taktinn. Þegar því er lokið flytja krakkarnir afraksturinn fyrir í iMovie og búa til tónlistarmyndband sem út frá ljóðinu. Hrynjandinn í ljóðinu líkir eftir hesti á harðaskeiði og lýsir ljóðið flótta Séra Odds undan afturgenginni Sólveigu. Að sjálfsögðu er nemendum frjálst að lesa ljóðið eins og þeim lystir. Niðurstaðan var stórskemmtilegur og skapandi tími.